芝士餅與豬仔包: 一家四口第一次祖國遊 @ 觀瀾湖 (預覽記)

2015年8月4日星期二

一家四口第一次祖國遊 @ 觀瀾湖 (預覽記)

去完大板之後, 我去旅行既毛蟲蟲出晒來, 又好想去旅行啦 :P

因為來緊工作上會好忙 x 好忙 x 好煩 x 好煩

所以媽媽我又好想襯返學前同包餅去玩下

可惜既我已經冇乜假淨，同埋呢排也唔可以放假住

即係只可以利用小週末去玩下

第一時間當然諗過去馬交, 但暑假weekend 去都唔平

另外也有考慮香港既酒店, e家好多酒店也會有親子package

正當我search info 時, 看見笨B媽媽較早前去了觀瀾湖玩 (按此)

原來足不出戶, 在觀瀾湖也可以玩好多野, 同埋好適合一家大細去!!

以往既印象, 我只知道觀瀾湖係打高爾夫球的地方, 沒想到觀瀾湖是以【綜合悠閒養生勝地】作賣點 ~

之後上 official website看資料, 發現東莞觀瀾湖度假酒店除了有酒店一般設施同高爾夫球場之外, 還設有許多適合一家大小齊齊享樂的活動設施，例如“夢幻嘉年華”互動遊戲區、兒童日托及活動中心、迷你動物園、野餐燒烤區和樹屋等。

房間方面原來又有4款兒童主題房 (森林, 海洋, 太空, 糖果)

見到張相同介紹, 有成60平方米, 絕對夠小鬼們jump jump jump 啦

除此之外, 酒店內又有兒童樂園 (包括兒童工作坊, 夢幻嘉年華, 3D美術館同遊戲區), 相信小朋友一定可以夠地方玩餐飽

之後繼續上網search, 看見 "養生" section 入面有介紹親子水療!!!

媽媽我一向愛做spa同按摩, 如果可以同芝士餅去玩一玩, 貢媽媽我又可以爽一爽呀, 哈~

當然, 觀瀾湖是一個世界級的高爾夫球場, 之前見B 媽介紹, 可以租用高爾夫球車去遊覽, 而且仲有小朋友的 18 洞體驗區, 雖然我們唔識打, 但見識下亦幾好bor ~

正如我之前所講, 觀瀾湖以綜合悠閒養生勝地作賣點, 所以上網也看到它介紹有關【生態體育公園】

當中我最有興趣就係生態徑, 兒童遊樂場同水上樂園

睇完以上資料, 發覺原來觀瀾湖既配套的確好啱一家人來玩, 小朋友也唔會悶 ~

原先我家老公對帶小朋友北上有點抗拒同擔心, 但後來同佢講我們全程只在觀瀾湖範圍玩

而且在皇崗有專車上觀瀾湖, 在皇崗也有專屬等候區

之後見到貢多啱小朋友玩既地方, 老公終於都批了permit 啦, yeah!!!!!

當然大家一定會問幾$$, 我在official website 就有呢個家庭套餐:

觀瀾湖家庭繽紛暢享套餐

套餐價格：周日至週四：人民幣1, 288 元 / 套（2成人+1小童）
週五、週六、國內及香港假期：人民幣1,388元 / 套（2成人+1小童）